സിനിമ പ്രേമികള്‍ ആകാംക്ഷയോടെ കാത്തിരുന്ന പ്രശാന്ത് നീല്‍ സംവിധാനം ചെയ്ത സിനിമയാണ് കെ.ജി.എഫ് ചാപ്റ്റര്‍ 2. ഏപ്രില്‍ 14ന് റിലീസ് ചെയ്ത ചിത്രത്തിന് മികച്ച പ്രതികരണമാണ് ലഭിക്കുന്നത്.
യഷിന്റെ പ്രകടനം തന്നെയാണ് കെ.ജി.എഫ് 2 ചാപ്റ്റര്‍ ടുവിലെ ഒരു പ്രധാന ഘടകം. യഷിന്റെ മാഗ്നറ്റിക് പേഴ്‌സണാലിറ്റിയാണ് അദ്ദേഹത്തിലേക്ക് തന്നെ ആകര്‍ഷിച്ചതെന്ന് പ്രശാന്ത് പറഞ്ഞു. ഓരോ ചെറിയ സ്‌ക്രീന്‍ സ്‌പേസും തനിക്കായി തട്ടിയെടുക്കാന്‍ അദ്ദേഹം ആഗ്രഹിക്കുന്നത് പോലെ തോന്നുമെന്നും പ്രശാന്ത് കൂട്ടിച്ചേര്‍ത്തു. ഗലാട്ട പ്ലസ്സിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.
”യഷിന്റെ മാഗ്‌നറ്റിക്ക് പേര്‍സണാലിറ്റിയാണ് എന്നെ ആകര്‍ഷിച്ചത്. ഓരോ ചെറിയ സ്‌ക്രീന്‍ സ്‌പെയ്‌സും തനിക്കായി തട്ടിയെടുക്കാന്‍ അദ്ദേഹം ആഗ്രഹിച്ചത് പോലെ തോന്നും. യഷ് സ്‌ക്രീനില്‍ കാണിച്ച ആ വിശ്വാസവും എന്നെ വളരെയധികം ആകര്‍ഷിക്കുന്ന ഒന്നായിരുന്നു,” പ്രശാന്ത് നീല്‍ പറഞ്ഞു.
