ചിലര്‍ എന്റെ മരണം ആഗ്രഹിച്ചിരുന്നു, പക്ഷേ ഇപ്പോഴും ജീവിച്ചിരിപ്പുണ്ട്; സൗഹൃദ സംഭാഷണത്തിനിടെ ഫ്രാന്‍സിസ് മാര്‍പ്പാപ്പ
ഡൂള്‍ന്യൂസ് ഡെസ്‌ക്
Wednesday, 22nd September 2021, 8:56 am
ബ്രാട്ടിസ്വാല: ചിലര്‍ തന്റെ മരണം ആഗ്രഹിച്ചിരുന്നെന്നും എന്നാല്‍ താന്‍ ഇപ്പോഴും ജീവിച്ചിരിപ്പുണ്ടെന്നും ഫ്രാന്‍സിസ് മാര്‍പ്പാപ്പ പറഞ്ഞതായി റിപ്പോര്‍ട്ട്. ബ്രാട്ടിസ്വാലയിലെ ജെസ്യൂട്ട് പുരോഹിതരുമായുള്ള കൂടിക്കാഴ്ചയിലാണ് ഫ്രാന്‍സിസ് മാര്‍പ്പാപ്പ ഇത്തരമൊരു പരാമര്‍ശം തമാശയായി പറഞ്ഞത്.
പുരോഹിതരുടെ പ്രസിദ്ധീകരണമായ സിവില്‍ട്ട കത്തോലിക്കയാണ് ഇതുസംബന്ധിച്ച് റിപ്പോര്‍ട്ട് പുറത്തുവിട്ടത്. നേരത്തെ മാര്‍പ്പാപ്പ വന്‍കുടലില്‍ ശസ്ത്രക്രിയക്ക്് വിധേയനായിരുന്നു.
ഇതിനെ കുറിച്ച് വൈദികരില്‍ ഒരാള്‍ ചോദിച്ചപ്പോഴായിരുന്നു മാര്‍പ്പാപ്പയുടെ മറുപടി. ‘ഞാന്‍ ഇപ്പോഴും ജീവിച്ചിരിക്കുന്നു. ചിലര്‍ ഞാന്‍ മരിക്കണമെന്നാഗ്രഹിച്ചിട്ടും. എന്റെ ആരോഗ്യസ്ഥിതി വിചാരിച്ചതിലും കൂടുതല്‍ ഗുരുതരമാണെന്ന് ധരിച്ച് യോഗം നടന്നിരുന്നതായി എനിക്കറിയാം.
