വിദ്യഭ്യാസ വകുപ്പിന്റെ പരിശീലന പരിപാടിയില്‍ ക്ലാസ് എടുക്കാന്‍ പോക്‌സോ കേസിലെ പ്രതി ; കേസിനെ കുറിച്ച് അറിയില്ലായിരുന്നെന്ന് വി.എച്ച്.എസ്.സി
ഡൂള്‍ന്യൂസ് ഡെസ്‌ക്
Tuesday, 6th October 2020, 11:05 pm
തിരുവനന്തപുരം:വിദ്യഭ്യാസ വകുപ്പിന്റെ പരിശീലന പരിപാടിയില്‍ ക്ലാസ് എടുക്കാന്‍ പോക്‌സോ കേസിലെ പ്രതി. തിരുവനന്തപുരത്ത് രണ്ട് പോക്‌സോ കേസില്‍ വിചാരണ നേരിടുന്ന ഡോ. കെ. ഗിരീഷിനെയാണ് വിഎച്ച്എസ്ഇ സംഘടിപ്പിച്ച വെബിനാറില്‍ പങ്കെടുപ്പിച്ചത്.
കുട്ടികളുടെ മാനസിക പിരിമുറുക്കം മാറ്റാനുള്ള പരിശീലന പരിപാടിയില്‍ ക്ലാസെടുക്കാന്‍ ആണ് ഗിരിഷിനെ നിയോഗിച്ചത്. കൊവിഡ് കാലത്ത് ഓണ്‍ലൈനിലേക്ക് പഠനം മാറ്റിയ കുട്ടികള്‍ക്ക് മാനസിക പിരിമുറുക്കം കുറയ്ക്കുന്നതിനായിരുന്നു വൊക്കേഷണല്‍ ഹയര്‍ സെക്കന്‍ഡറിയുടെ കരിയര്‍ ഗൈഡന്‍സ് ആന്‍ഡ് കൗണ്‍സിലിങ് സെല്ലിന്റെ ആഭിമുഖ്യത്തില്‍ വെബിനാര്‍ സംഘടിപ്പിച്ചത്.
