ഇവരാണ് യഥാര്‍ത്ഥ നായകര്‍; മഞ്ചേശ്വരത്ത് പിണറായിക്കും നിയുക്ത ലീഗ് എം.എല്‍.എയ്ക്കും ഒരുമിച്ച് ഫ്ളക്സ്
ഡൂള്‍ന്യൂസ് ഡെസ്‌ക്
Thursday, 6th May 2021, 12:39 pm
മഞ്ചേശ്വരം: കാസര്‍ഗോഡ് ജില്ലയില്‍ മുഖ്യമന്ത്രി പിണറായി വിജയനും മഞ്ചേശ്വരത്ത് നിന്നും ജയിച്ച ലീഗ് സ്ഥാനാര്‍ത്ഥി എ.കെ.എം അഷറഫിനും ഒരുമിച്ച് ഫ്ളക്സ്. ഇരുവരെയും അഭിനന്ദിച്ചുകൊണ്ടുള്ള ഫ്‌ളക്‌സാണ് മഞ്ചേശ്വരത്ത് വെച്ചിരിക്കുന്നത്.
കേരളത്തിന്റെയും മഞ്ചേശ്വരത്തിന്റെയും യഥാര്‍ത്ഥ നായകര്‍ എന്നാണ് ഫ്‌ളക്‌സില്‍ എഴുതിയിരിക്കുന്നത്. ചുവപ്പ്, പച്ച എന്നീ നിറങ്ങളാണ് ഫ്‌ളക്‌സില്‍ ഉപയോഗിച്ചിരിക്കുന്നത്.
ദേശീയപാതയില്‍ നിന്നും അല്‍പം മാറിയാണ് ഈ ഫ്ളക്സ് സ്ഥാപിച്ചിരിക്കുന്നത്. ഫ്‌ളക്‌സിന്റെ കീഴ്ഭാഗത്തായി അഞ്ച് യുവാക്കളുടെ ഫോട്ടായുമുണ്ട്. എന്നാല്‍ ഇവര്‍ ഏതെങ്കിലും പാര്‍ട്ടിയെ പ്രതിനിധാനം ചെയ്യുന്നവരാണോയെന്ന് വ്യക്തമായിട്ടില്ല.
