നാല് വര്‍ഷം മുമ്പ് സീറോ എന്ന ചിത്രത്തിന്റെ പരാജയത്തോടെ കരിയറില്‍ തന്നെ സീറോയായി തലതാഴ്ത്തി മടങ്ങേണ്ടി വന്ന ഷാരൂഖ് ഖാന്‍ പത്താനിലൂടെ വമ്പന്‍ തിരിച്ച് വരവാണ് നടത്തുന്നത്. ഷാരൂഖ് ഖാന്‍, ദീപിക പദുകോണ്‍, ജോണ്‍ എബ്രഹാം എന്നിവര്‍ പ്രധാന വേഷത്തിലെത്തിയ ചിത്രം ബോക്‌സ് ഓഫീസ് കളക്ഷന്‍ റെക്കോഡുകള്‍ കീഴടക്കി മുന്നേറുകയാണ്.
ബോക്‌സോഫീസില്‍ 1000 കോടിയെന്ന സ്വപ്ന നേട്ടത്തിലേക്ക് കുതിക്കുന്ന ചിത്രം ഇത് വരെ ലോകവ്യാപകമായി 930 കോടി കളക്ഷന്‍ നേടിക്കഴിഞ്ഞു.
റിലീസിനെത്തി 18ാം ദിവസമാണ് പത്താന് ഈ നേട്ടം കൈവരിച്ചത്.
പിങ്ക്‌വില്ല റിപ്പോര്‍ട്ട് അനുസരിച്ച് പത്താന്റെ ഡൊമസ്റ്റിക് ഗ്രോസ് എല്ലാ ഭാഷകളിലെയും ചേര്‍ത്ത് 473 കോടിയാണ്. ഇന്ത്യയിലെ ടോട്ടല്‍ ഗ്രോസ് 568 കോടിയും ചേര്‍ത്ത് വേള്‍ഡ് വൈഡ് കളക്ഷന്‍ 930 കോടിയായി ഉയര്‍ന്നു.
ഡൊമസ്റ്റിക് കളക്ഷനില്‍ ബാഹുബലി 2 ഹിന്ദി പതിപ്പിന്റെ റെക്കോഡാണ് ഇനി പത്താന് മുമ്പിലുള്ളത്. 510 കോടിയാണ് ബാഹുബലി 2 ഹിന്ദി പതിപ്പിന്റെ കളക്ഷന്‍.
