പാലാരിവട്ടം; ഇബ്രാഹിം കുഞ്ഞിനെതിരെയുള്ള ടി.ഒ സൂരജിന്റെ ആരോപണം കള്ളമെന്ന് വിജിലന്‍സ്
ഡൂള്‍ന്യൂസ് ഡെസ്‌ക്
Tuesday, 24th September 2019, 4:57 pm
കൊച്ചി: പാലാരിവട്ടം പാലം അഴിമതിക്കേസില്‍ മുന്‍ പൊതുമരാമത്ത് മന്ത്രി വി കെ ഇബ്രാഹിം കുഞ്ഞിനെതിരെ ടി.ഒ സൂരജ് ഉന്നയിച്ച വിഷയങ്ങള്‍ കള്ളമാണെന്ന് വിജിലന്‍സ്. ഇബ്രാഹിം കുഞ്ഞ് പറഞ്ഞിട്ടാണ് മുന്‍കൂട്ടി പണം നല്‍കിയതെന്ന ടി.ഒ സൂരജിന്റെ ആരോപണം തെറ്റാണെന്ന് വിജിലന്‍സ് ഹൈക്കോടതിയില്‍ നല്‍കിയ സത്യവാങ്മൂലത്തില്‍ പറഞ്ഞു. സൂരജിന്റെ ശുപാര്‍ശയിലാണ് മന്ത്രി മുന്‍കൂര്‍ പണം അനുവദിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
മന്ത്രിയുടെ കത്തില്‍ പലിശ ഈടാക്കാനോ ഈടാക്കാതിരിക്കാനോ നിര്‍ദ്ദേശമില്ല. ഇതില്‍ വ്യക്തത വരുത്താതെ സൂരജ് ഏഴ് ശതമാനം പലിശ നിശ്ചയിച്ചാണ് മുന്‍കൂറായി പണം അനുവദിച്ചതെന്നായിരുന്നു വിജിലന്‍സിന്റെ കണ്ടെത്തല്‍. പലിശ എത്രയെന്ന് തീരുമാനിച്ചത് ടി.ഒ സൂരജ് തനിച്ചാണ്.
