പാര വെച്ചത് ഉമ്മന്‍ ചാണ്ടി; യു.ഡി.എഫ് നേതാക്കള്‍ക്ക് മാന്യതയും മര്യാദയുമില്ല: മുന്നണിയില്‍ എടുക്കാത്തതിന് പിന്നാലെ പി.സി ജോര്‍ജ്
ഡൂള്‍ന്യൂസ് ഡെസ്‌ക്
Saturday, 27th February 2021, 9:17 am
തിരുവനന്തപുരം: യു.ഡി.എഫ് നേതാക്കള്‍ വഞ്ചകന്മാരെന്ന് പി.സി ജോര്‍ജ്. പി.സി ജോര്‍ജിനെ മുന്നണിയിലേക്ക് എടുക്കില്ലെന്ന് അറിയിച്ചതിനെ പിന്നാലെയാണ് യു.ഡി.എഫിനെ വിമര്‍ശിച്ചുകൊണ്ട് പി.സി ജോര്‍ജ് രംഗത്തെത്തിയത്. ഏഷ്യാനെറ്റ് ന്യൂസിനോടായിരുന്നു അദ്ദേഹത്തിന്റെ പ്രതികരണം.
യു.ഡി.എഫില്‍ പ്രവേശനം കിട്ടാതിരുന്നത് ഉമ്മന്‍ ചാണ്ടിയുടെ പാര കാരണമെന്നും ഉമ്മന്‍ചാണ്ടിക്കെതിരെ വെളിപ്പെടുത്തലുണ്ടാകുമെന്നും പി.സി ജോര്‍ജ് പറഞ്ഞു. ചെന്നിത്തല മുഖ്യമന്ത്രിയാകുമോയെന്ന ഭയത്തിലാണ് ഉമ്മന്‍ ചാണ്ടിയെന്നും അദ്ദേഹം കൂട്ടിച്ചേര്‍ത്തു. യു.ഡി.എഫ് നേതാക്കള്‍ക്ക് മാന്യതയും മര്യാദയുമില്ലെന്നും വഞ്ചകരാണെന്നും ജോര്‍ജ് പറഞ്ഞു.
എന്‍.ഡി.എയുമായി ചര്‍ച്ച നടത്തുന്നുവെന്നും പി.സി ജോര്‍ജ് പറഞ്ഞു. തീരുമാനം മാര്‍ച്ച് 3 അറിയിക്കുമെന്നും അദ്ദേഹം പറഞ്ഞു.
