അച്ഛനെയും എന്നെയും വീട്ടില്‍ പൂട്ടിയിട്ടിരിക്കുന്നു; സഹോദരിയേയും കുട്ടികളേയും അവരുടെ വീട്ടിലും; പുതിയ ഇന്ത്യയില്‍ തടങ്കലിലാണെന്ന് ഒമര്‍ അബ്ദുള്ള
ഡൂള്‍ന്യൂസ് ഡെസ്‌ക്
Sunday, 14th February 2021, 12:47 pm
ശ്രീനഗര്‍: വീണ്ടും വിട്ടുതടങ്കലിലാണെന്ന് പറഞ്ഞ് ജമ്മുകശ്മീര്‍ മുന്‍മുഖ്യമന്ത്രിയും നാഷണല്‍ കോണ്‍ഫറന്‍സ് നേതാവുമായി ഒമര്‍ അബ്ദുള്ള. തന്നെയും പിതാവ് ഫറൂഖ് അബ്ദുള്ളയേയും അധികൃതര്‍ വീട്ടില്‍ തടങ്കലിലാക്കിയിരിക്കുകയാണ് എന്നാണ് ഒമര്‍ അബ്ദുള്ള പറഞ്ഞത്.
” ഇതാണ് പുതിയ ജമ്മുകശ്മീര്‍, 2019 ആഗ്‌സതിന് ശേഷം ഒരു വിശദീകരണവും നല്‍കാതെ ഞങ്ങളെ പൂട്ടിയിട്ടു. അവര്‍ എന്നെയും സിറ്റിങ്ങ് എം.പികൂടിയായ അച്ഛനെയും വീട്ടില്‍ പൂട്ടിയിട്ടിരിക്കുകയാണ്. എന്റെ സഹോദരിയേയും കുട്ടികളേയും അവരുടെ വീട്ടിലും പൂട്ടിയിട്ടു,” ഒമര്‍ അബ്ദുള്ള പറഞ്ഞു.
വീട്ടിലെ ജീവനക്കാരെപ്പോലും പുറത്ത് കടക്കാന്‍ അനുവദിക്കുന്നില്ലെന്ന് അദ്ദേഹം മറ്റൊരു ട്വീറ്റില്‍ കൂട്ടിച്ചേര്‍ത്തു.
