വെടിയേറ്റ ഒഡിഷ ആരോഗ്യമന്ത്രി നബ കിഷോര്‍ ദാസ് അന്തരിച്ചു
ഡൂള്‍ന്യൂസ് ഡെസ്‌ക്
Sunday, 29th January 2023, 8:39 pm
ഭുവനേശ്വര്‍: പൊതുപരിപാടിക്കിടെ വെടിയേറ്റ ഒഡിഷ ആരോഗ്യമന്ത്രി നബ കിഷോര്‍ ദാസ് അന്തരിച്ചു. ഗുരുതരമായി പരിക്കേറ്റ് ഭുവനേശ്വറിലെ ആശുപത്രിയില്‍ ചികിത്സക്കിടെയാണ് അന്ത്യം. ബിജു ജനതാദള്‍ നേതാവുമായ നബ കിഷോര്‍ ദാസിന് ഞായറാഴ്ച ഉച്ചക്ക് ഒരു മണിയോടെ ബ്രജരാജ് നഗറില്‍വെച്ചായിരുന്നു വെടിയേറ്റത്.
ജാര്‍സുഗുഡ ജില്ലിയില്‍ പരിപാടിയില്‍ പങ്കെടുക്കുന്നതിനിടെ ഒരു പൊലീസുകാരന്‍ വെടിവെക്കുകയായിരുന്നു. എ.എസ്.ഐ. ഗോപാല്‍ ദാസാണ് മന്ത്രിയെ വെടിവെച്ചത്.
രണ്ട് വെടിയുണ്ടകളാണ് ഇദ്ദേഹത്തിന്റെ നെഞ്ചില്‍ തറച്ചത്.
