ട്രെയിന്‍ യാത്രയില്‍ കൊവിഡ് മാനദണ്ഡങ്ങള്‍ പാലിച്ചില്ലെങ്കില്‍ പിഴ; നടപടി കടുപ്പിച്ച് സതേണ്‍ റെയില്‍വേ
ഡൂള്‍ന്യൂസ് ഡെസ്‌ക്
Saturday, 17th April 2021, 9:32 pm
ന്യൂദല്‍ഹി: രാജ്യത്ത് കൊവിഡ് വ്യാപനം രൂക്ഷമാകുന്ന സാഹചര്യത്തില്‍ സുരക്ഷാ നടപടികള്‍ കടുപ്പിച്ച് സതേണ്‍ റെയില്‍വേ. റെയില്‍വേ സ്റ്റേഷനിലോ ട്രെയിന്‍ യാത്രയ്ക്കിടയിലോ കൊവിഡ് സുരക്ഷാ മാനദണ്ഡങ്ങള്‍ പാലിക്കാതിരുന്നാല്‍ പിഴ ഈടാക്കുമെന്ന് റെയില്‍വേ അറിയിച്ചു. മാസ്‌ക് ധരിക്കാതെ വന്നാല്‍ യാത്രക്കാരില്‍ നിന്ന് 500 രൂപയായിരിക്കും പിഴ ഈടാക്കുക.
പൊതുസ്ഥലങ്ങളില്‍ മാസ്‌ക് ധരിക്കാതിരുന്നാല്‍ പിഴ ചുമത്താന്‍ വിവിധ സംസ്ഥാന സര്‍ക്കാരുകളുടെ ഉത്തരവ് ഉള്ളതുപോലെ റെയില്‍വേ പരിസരത്ത് മാസ്‌ക് ധരിക്കാത്ത ആളുകളില്‍ നിന്ന് പിഴ ഈടാക്കാന്‍ എല്ലാ സോണല്‍ റെയില്‍വേകളേയും റെയില്‍വേ ബോര്‍ഡ് അധികാരപ്പെടുത്തിയിട്ടുണ്ട്.
