മോദി മന്ത്രിസഭയില്‍ ഇനി ചേരില്ല; സര്‍ക്കാരില്‍ മാന്യമായ പ്രാതിനിധ്യം ലഭിച്ചില്ലെന്ന് നിതീഷ് കുമാര്‍
ഡൂള്‍ന്യൂസ് ഡെസ്‌ക്
Saturday, 1st June 2019, 10:00 am
പാട്‌ന: നരേന്ദ്രമോദിയുടെ നേതൃത്വത്തിലുള്ള രണ്ടാം എന്‍.ഡി.എ സര്‍ക്കാരില്‍ ഇനി ഭാഗമാവില്ലെന്ന് ജെ.ഡി.യു നേതാവും ബീഹാര്‍ മുഖ്യമന്ത്രിയുമായ നിതീഷ് കുമാര്‍. ബി.ജെ.പി നേതൃത്വം സഖ്യകക്ഷികള്‍ക്ക് പ്രതീകാത്മക പ്രാതിനിധ്യം മാത്രം കൊടുക്കാനാണ് ശ്രമിക്കുന്നതെന്നും എം.പിമാരുടെ എണ്ണത്തിന് ആനുപാതികമായി സര്‍ക്കാരില്‍ ഉള്‍പ്പെടുത്തുന്നില്ലെന്നും അദ്ദേഹം കുറ്റപ്പെടുത്തി.
‘ദല്‍ഹിയിലെ കൂടിക്കാഴ്ചയില്‍ സഖ്യകക്ഷികള്‍ക്ക് മാന്യമായ പ്രാതിനിധ്യം സര്‍ക്കാരില്‍ വേണമെന്ന് ഞാന്‍ അമിത് ഷായോടും ഭൂപേന്ദര്‍ യാദവിനോടും പറഞ്ഞിരുന്നു. പക്ഷെ എന്റെ നിര്‍ദ്ദേശം ഇരുവരും തള്ളിക്കളഞ്ഞു.’
