ഈഗോ തീര്‍ക്കാന്‍ കുര്‍ബാന ചൊല്ലി ഭിന്നിപ്പിന്റെ ഉദാഹരണമാകുന്നവര്‍; 'ഒരുമയോടെ' ചിന്തിക്കുന്നവര്‍ പള്ളിയില്‍ നിന്ന് ഇറങ്ങും
ഡോ: നെല്‍സണ്‍ ജോസഫ്
Saturday, 24th December 2022, 9:39 am
എനിക്ക് അറിയാത്തതുകൊണ്ട് ചോദിക്കുവാ. നിങ്ങള്‍ ആര്‍ക്കുവേണ്ടിയാണു കുര്‍ബാന ചൊല്ലുന്നത്?
ദൈവത്തിനു വേണ്ടിയോ? ദൈവജനത്തിനു വേണ്ടിയോ? അതോ അവനവന്റെയൊക്കെ ഈഗോയ്ക്ക് വേണ്ടിയോ?
എങ്ങോട്ട് തിരിഞ്ഞുനിന്ന് കുര്‍ബാന ചൊല്ലണമെന്ന് തര്‍ക്കം. തര്‍ക്കം മൂത്തുമൂത്ത് ഒരേ അള്‍ത്താരയില്‍ ഒരു കൂട്ടര്‍ ജനത്തിനഭിമുഖമായും മറ്റേ കൂട്ടര്‍ നേരെ എതിര്‍ ദിശയിലും നിന്ന് കുര്‍ബാന ചൊല്ലുന്നു.
ആ കുര്‍ബാനയില്‍ പങ്കുകൊള്ളുന്നവരുടെ മനസില്‍ എന്താവും? ഭക്തിയാണോ, അതോ അപ്പുറത്ത് നില്‍ക്കുന്നവന്‍ ഏത് ഗ്രൂപ്പില്‍ പെട്ടതാവുമെന്ന ചിന്തയോ?
