റായ്പൂര്‍: ഛത്തീസ്ഡില്‍ മാവോയിസ്റ്റുകള്‍ തടവിലാക്കിയ സി.ആര്‍.പി.എഫ് ജവാന്‍ രാകേശ്വര്‍ സിംഗ് മന്‍ഹസിനെ മോചിപ്പിച്ചു. സാമൂഹിക പ്രവര്‍ത്തകന്‍ ധരംപാല്‍ സെയ്‌നിയുടെ നേതൃത്വത്തിലുള്ള മധ്യസ്ഥസംഘമാണ് മന്‍ഹസിന്റെ മോചനത്തിനു വഴിയൊരുക്കിയത്.
ബസ്തറിലെ ബസഗുഡയിലുള്ള പൊലീസ് സ്റ്റേഷനിലെത്തിയ മന്‍ഹസിനെ മെഡിക്കല്‍ പരിശോധനയ്ക്കു വിധേയനാക്കി.
മന്‍ഹസിന്റെ മോചനം സംബന്ധിച്ച് ഔദ്യോഗിക സന്ദേശം ലഭിച്ചെന്നും അദ്ദേഹം പൂര്‍ണ ആരോഗ്യവാനാണെന്നും ഭാര്യ മീനു വാര്‍ത്താ ഏജന്‍സിയായ എ.എന്‍.ഐയോട് പറഞ്ഞു.
The Maoist release Constable Rakeshwar Singh Manhas. Making it a spectacle. The release of soldier Infront of villagers and stronghold of Maoist. https://t.co/wtRDEqcBhC pic.twitter.com/unEHwIeWLh
— kamaljit sandhu (@kamaljitsandhu) April 8, 2021
അത്യന്തം നാടകീയമായാണ് മന്‍ഹസിനെ മോചിപ്പിച്ചത്. മധ്യസ്ഥരായ സെയ്‌നിയും തേലം ബുരയ്യയുമാണ് മന്‍ഹസിനെ മോചിപ്പിക്കുമ്പോള്‍ കൂടെയുണ്ടായിരുന്നത്. ഇവരെ കൂടാതെ അഞ്ച് മാധ്യമ പ്രവര്‍ത്തകര്‍ക്ക് കൂടി മാവോയിസ്റ്റുകള്‍ പ്രവേശനം അനുവദിച്ചിരുന്നു.
ഇതിന് പിന്നാലെ നൂറുകണക്കിന് ഗ്രാമവാസികളെയും വിളിച്ചുചേര്‍ത്തു.
