മുമ്പ് കുറ്റവാളികള്‍ യു.പിയില്‍ ഗെയിം കളിക്കുകയായിരുന്നു, ഇപ്പോള്‍ യോഗി സര്‍ക്കാര്‍ അവര്‍ക്കൊപ്പം ജയില്‍-ജയില്‍ ഗെയിം കളിക്കുന്നു; യോഗിയെ പുകഴ്ത്തി മോദി
ഡൂള്‍ന്യൂസ് ഡെസ്‌ക്
Sunday, 2nd January 2022, 4:20 pm
ലഖ്‌നൗ: ഉത്തര്‍പ്രദേശ് മുഖ്യമന്ത്രി യോഗി ആദിനാഥിനെ പുകഴ്ത്തിയും യു.പിയിലെ മുന്‍ സര്‍ക്കാരുകളെ വിമര്‍ശിച്ചുമുള്ള കമന്റുമായി പ്രധാനമന്ത്രി നരേന്ദ്ര മോദി.
ക്രിമിനലുകളും മാഫിയകളും മുന്‍പ് യു.പിയില്‍ ഗെയിം കളിക്കുകയായിരുന്നെന്നും എന്നാലിപ്പോള്‍ യോഗി ആദിത്യനാഥിന്റെ നേതൃത്വത്തിലുള്ള സര്‍ക്കാര്‍ വന്നതിന് ശേഷം അവര്‍ ജയില്‍ ഗെയിമാണ് കളിക്കുന്നതെന്നുമായിരുന്നു മോദിയുടെ പ്രസ്താവന.
”മുന്‍പ് യു.പിയിലെ സര്‍ക്കാരുകളെല്ലാം അവരുടെതായ ഗെയിമുകളില്‍ തിരക്കിലായിരുന്നു. ക്രിമിനലുകളും മാഫിയകളും സംസ്ഥാനത്ത് ഗെയിം കളിക്കുകയായിരുന്നു.
ഇപ്പോള്‍ യോഗി ജിയുടെ സര്‍ക്കാര്‍ അതേ ക്രിമിനലുകള്‍ക്കൊപ്പം ജയില്‍-ജയില്‍ ഗെയിം കളിക്കുകയാണ്,” മോദി പറഞ്ഞു.
