അധ്യക്ഷ തെരഞ്ഞെടുപ്പ്; സി.പി.ഐ.എം സ്ഥാനാര്‍ത്ഥിയ്ക്ക് വോട്ട് ചെയ്ത ലീഗ് പ്രതിനിധികള്‍ നേതൃത്വത്തിന് രാജിക്കത്ത് നല്‍കി
ഡൂള്‍ന്യൂസ് ഡെസ്‌ക്
Monday, 28th December 2020, 9:52 pm
കാസര്‍ഗോഡ്: കാഞ്ഞങ്ങാട് മുന്‍സിപ്പല്‍ ചെയര്‍പെഴ്‌സണ്‍ തെരഞ്ഞെടുപ്പില്‍ സി.പി.ഐ.എമ്മിന്റെ സ്ഥാനാര്‍ത്ഥിക്ക് വോട്ട് ചെയ്ത മുസ്‌ലിം ലീഗ് കൗണ്‍സിലര്‍മാര്‍ നേതൃത്വത്തിന് രാജികത്ത് നല്‍കി. ഇവര്‍ക്കെതിരെ നടപടി വേണമെന്ന് ലീഗില്‍ നിന്നും ആവശ്യമുന്നയിച്ചതിന് പിന്നാലെയാണ് പ്രതിനിധികള്‍ രാജിക്കത്ത് നല്‍കിയത്.
കാഞ്ഞങ്ങാട് നഗരസഭയിലെ രണ്ട് മുസ്‌ലിം ലീഗ് അംഗങ്ങളാണ് സി.പി.ഐ.എം ചെയര്‍പേഴ്‌സണ്‍ സ്ഥാനാര്‍ത്ഥിക്ക് വോട്ട് ചെയ്തത്. ഒരു ലീഗ് പ്രതിനിധിയുടെ വോട്ട് അസാധുവാകുകയും ചെയ്തു.
ഇതോടെ സി.പി.ഐ.എം പ്രതിനിധികളുടെ വോട്ട് 24ല്‍ നിന്നും 26 ആയി ഉയരുകയായിരുന്നു. തുടര്‍ന്ന് സി.പി.ഐ.എം പ്രതിനിധി കെ. വി സുജാത ടീച്ചറെ കാഞ്ഞങ്ങാട് നഗരസഭാ അധ്യക്ഷയായി തെരഞ്ഞെടുത്തു.
