ഒരച്ഛനെന്ന നിലയില്‍ ഏറെ അഭിമാനം'; മകള്‍ വിസ്മയയുടെ പുസ്തകം പ്രണയ ദിനത്തില്‍ എത്തുമെന്ന് മോഹന്‍ലാല്‍; സന്തോഷം പങ്കുവെച്ച് പ്രണവും
എന്റര്‍ടെയിന്‍മെന്റ് ഡെസ്‌ക്
Friday, 12th February 2021, 10:46 am
കൊച്ചി: മോഹന്‍ലാലിന്റെ മകളും എഴുത്തുകാരിയുമായ വിസ്മയ മോഹന്‍ലാലിന്റെ പുസ്തകം ‘ഗ്രെയിന്‍സ് ഓഫ് സ്റ്റാര്‍ഡസ്റ്റ്’ പ്രണയദിനമായ ഫെബ്രുവരി 14ന് റിലീസ് ചെയ്യും.
മോഹന്‍ലാല്‍ തന്നെയാണ് മകളുടെ പുതിയ പുസ്തകം റിലീസ് ചെയ്യുന്ന വിവരം പുറത്തുവിട്ടത്. ഒരു അച്ഛന്‍ എന്ന നിലയില്‍ അഭിമാനത്തോടെയാണ് ഫെബ്രുവരി 14ന് മകള്‍ എഴുതിയ പുസ്തകം പുറത്തിറങ്ങുന്ന കാര്യം പ്രഖ്യാപിക്കുന്നതെന്ന് മോഹന്‍ലാല്‍ പറഞ്ഞു.
വിസ്മയ പലപ്പോഴായി എഴുതിയ കവിതകളും ചിത്രങ്ങളും ഉള്‍പ്പെടുന്നതാണ് പുസ്തകം. പെന്‍ഗ്വിന്‍ ബുക്സാണ് ഗ്രെയിന്‍സ് ഓഫ് സ്റ്റാര്‍ഡസ്റ്റ്’ പുറത്തിറക്കുന്നത്. വിസ്മയയുടെ പുസ്തകം പുറത്തിറങ്ങുന്നതിന്റെ സന്തോഷം സഹോദരന്‍ പ്രണവ് മോഹന്‍ലാലും പങ്കുവെച്ചു.
