ശ്മശാനത്തില്‍ വെള്ളമെടുക്കാന്‍ പോയ 9 കാരി ദല്‍ഹിയില്‍ ദുരൂഹസാഹചര്യത്തില്‍ മരിച്ചു; ആരുമറിയാതെ മൃതശരീരം സംസ്‌കരിച്ച് ' പുരോഹിതന്‍'
ഡൂള്‍ന്യൂസ് ഡെസ്‌ക്
Monday, 2nd August 2021, 7:02 pm
ന്യൂദല്‍ഹി: ദല്‍ഹിയില്‍ ദുരൂഹസാഹചര്യത്തില്‍ മരിച്ച പെണ്‍കുട്ടിയുടെ മൃതദേഹം പുരോഹിതനും സംഘവും മാതാപിതാക്കളുടെ സമ്മതമില്ലാതെ സംസിക്കരിച്ചു. കുട്ടിയുടെ മൃതദേഹം സംസ്‌കരിച്ചത് തങ്ങളുടെ സമ്മതമില്ലാതെയാണെന്ന് മാതാപിതാക്കള്‍ പറഞ്ഞു.
ഗ്രാമത്തിലെ ശ്മശാനത്തിന് മുന്നില്‍ ഒരു വാടക വീട്ടിലാണ് പെണ്‍കുട്ടി മാതാപിതാക്കള്‍ക്കൊപ്പം താമസിച്ചിരുന്നത്.
ഞായറാഴ്ച വൈകുന്നേരം 5:30 ഓടെ, അമ്മയെ അറിയിച്ച ശേഷം ശ്മശാനത്തിലെ വാട്ടര്‍ കൂളറില്‍ നിന്ന് തണുത്ത വെള്ളം എടുക്കാന്‍ കുട്ടി പോയിരുന്നു.
വൈകുന്നേരം 6 മണിയോടെ, ശ്മശാനത്തിലെ പുരോഹിതനായ രാധേ ശ്യാമും പെണ്‍കുട്ടിയുടെ അമ്മയ്ക്ക് അറിയാവുന്ന മറ്റ് രണ്ട്-മൂന്ന് ആളുകളും അവരെ വിളിച്ച് പെണ്‍കുട്ടിയുടെ മൃതദേഹം കാണിക്കുകയായിരുന്നു. കൂളറില്‍ നിന്ന് വെള്ളം എടുക്കുന്നതിനിടെ വൈദ്യുതാഘാതമേറ്റെന്നാണ് ഇവര്‍ പറഞ്ഞത്.
