മഞ്ജു വാര്യരെ ക്യാമറയില്‍ പകര്‍ത്തി മമ്മൂട്ടി; ചിത്രങ്ങള്‍ പങ്കുവെച്ച് നടി
എന്റര്‍ടെയിന്‍മെന്റ് ഡെസ്‌ക്
Sunday, 28th March 2021, 11:56 am
സോഷ്യല്‍ മീഡിയയില്‍ നടി മഞ്ജു വാര്യര്‍ പങ്കുവെച്ചിരിക്കുന്ന പുതിയ ചിത്രങ്ങള്‍ വൈറലാവുകയാണ്. ആ ചിത്രങ്ങളെടുത്ത ഫോട്ടോഗ്രാഫറാണ് വൈറലാകുന്നതിന് പിന്നിലെ കാരണം. മമ്മൂട്ടിയാണ് ആ ഫോട്ടോഗ്രാഫര്‍.
ദി പ്രീസ്റ്റ് സെറ്റില്‍ വെച്ച് മമ്മൂട്ടിയെടുത്ത മൂന്ന് ചിത്രങ്ങളാണ് മഞ്ജു വാര്യര്‍ ഫേസ്ബുക്കില്‍ പങ്കുവെച്ചത്. മലയാള സിനിമയിലെ പ്രഗത്ഭനായ ഫോട്ടോഗ്രാഫര്‍ മമ്മൂക്ക എടുത്ത ചിത്രങ്ങളാണിതെന്നും ഇത് ഒരു നിധി തന്നെയാണെന്നും പറഞ്ഞുകൊണ്ടാണ് മഞ്ജു വാര്യര്‍ ചിത്രങ്ങള്‍ പങ്കുവെച്ചിരിക്കുന്നത്.
പ്രൊഫഷണല്‍ ഫോട്ടോഗ്രാഫര്‍മാരെ വെല്ലുന്ന ചിത്രങ്ങളെന്നാണ് പലരും ഫോട്ടോയോട് പ്രതികരിച്ചിരിക്കുന്നത്. പോസ്റ്റ് ചെയ്ത് നിമിഷങ്ങള്‍ക്കുള്ളില്‍ തന്നെ നിരവധി പേരാണ് ചിത്രത്തിന് കമന്റുകളുമായെത്തിയിട്ടുള്ളത്.
