മത്സരത്തിന്റെ 25ാം മിനിട്ടിൽ ഇംഗ്ലണ്ട് യുവതാരം ഫിലിപ്പ് ഫോഡനിലൂടെ മാഞ്ചസ്റ്റർ സിറ്റിയാണ് ആദ്യം മത്സരത്തിൽ ലീഡെടുത്തത്. ബോക്സിനുള്ളിൽ നിന്നും താരം പോസ്റ്റിലേക്ക് നിറയൊഴിക്കുകയായിരുന്നു. തുടർന്ന് ഗോൾ നേടാൻ സിറ്റി നിരവധി അവസരങ്ങൾ സൃഷ്ടിച്ചെങ്കിലും ഒന്നും ലക്ഷ്യത്തിലെത്തിക്കാൻ കഴിഞ്ഞില്ല. ഒടുവിൽ ആദ്യപകുതി പിന്നിടുമ്പോൾ 1-0ത്തിന് സന്ദർശകർ മുന്നിട്ട് നിൽക്കുകയായിരുന്നു.

 മത്സരത്തിന്റെ ഇഞ്ച്വറി ടൈമിൽ ജെറമി ഡോകുവിലൂടെ സിറ്റി മൂന്നാം ഗോൾ നേടിയതോട മത്സരം സ്വന്തമാക്കി. പന്തുമായി അതിവേഗം മുന്നേറിയ താരം ഗോൾ നേടുകയായിരുന്നു. അവസാനം ഫൈനൽ വിസിൽ മുഴങ്ങിയപ്പോൾ 3-1ന് പെപും പിള്ളേരും മത്സരം സ്വന്തമാക്കുകയായിരുന്നു.

 ജയത്തോടെ രണ്ട് മത്സരവും ജയിച്ച് ഗ്രൂപ്പ്‌ ജി യിൽ ഒന്നാം സ്ഥാനത്താണ് സിറ്റി. അതേസമയം ആദ്യം മത്സരത്തിൽ തകർപ്പൻ വിജയം സ്വന്തമാക്കിയ ആർ.ബി ലെപ്സികിന് ഈ ഫോം സിറ്റിക്കെതിരെ പുറത്തെടുക്കാൻ കഴിയാതെ പോയതാണ് തിരിച്ചടിയായത്.