'വെടിമരുന്നും ആയുധങ്ങളുമായി ബി.ജെ.പി പ്രവര്‍ത്തകര്‍'; നിയമം ലംഘിച്ചെത്തിയത് ആയിരം പേര്‍; ബംഗാളിലെ റാലിക്കെതിരെ തൃണമൂല്‍ കോണ്‍ഗ്രസ്
ഡൂള്‍ന്യൂസ് ഡെസ്‌ക്
Thursday, 8th October 2020, 5:34 pm
കൊല്‍ക്കത്ത: പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജിക്കെതിരെ ബി.ജെ.പി നടത്തിയ റാലിക്കെതിരെ തൃണമൂല്‍ കോണ്‍ഗ്രസ്.
വെടിമരുന്നും ആയുധങ്ങളും കരുതിക്കൊണ്ടാണ് ബി.ജെ.പി ‘ സമാധാന’ റാലി നടത്തിയതെന്ന് തൃണമൂല്‍ കോണ്‍ഗ്ര്‌സ് എം.പി കക്കോലി ജി ദാസ്തിദാര്‍ പറഞ്ഞു.
100 പേര്‍ക്ക് മാത്രമാണ് റാലിയില്‍ പങ്കെടുക്കാന്‍ അനുമതി നല്‍കിയിരുന്നത്. എന്നാല്‍ ആയിരത്തോളം പേര്‍ റാലിയില്‍ പങ്കെടുത്തെന്നാണ് റിപ്പോര്‍ട്ടുകള്‍.
അക്രമാസക്താരായ ബി.ജെ.പി പ്രവര്‍ത്തകര്‍ പൊലീസ് ബാരിക്കേഡുകള്‍ തകര്‍ക്കാന്‍ ശ്രമിച്ചു.
പാര്‍ട്ടി പ്രവര്‍ത്തകരെ കൊലപ്പെടുത്തിയെന്നാരോപിച്ച് ബി.ജെ.പി നടത്തിയ ‘നബന്ന ചലോ’ പ്രക്ഷോഭത്തിലാണ് സംഘര്‍ഷമുണ്ടായത്. സ്ഥിതിഗതികള്‍ നിയന്ത്രണവിധേയമാക്കാന്‍ പൊലീസ്
കണ്ണീര്‍വാതകം പ്രയോഗിച്ചു.
