ആമസോണ്‍ പാക്കേജുകള്‍ കാലിയാവുന്നു; ലോസ് ഏഞ്ചലസില്‍ മാസങ്ങളായി കാര്‍ഗോ ട്രെയിനുകളില്‍ കൊള്ള
ഡൂള്‍ന്യൂസ് ഡെസ്‌ക്
Saturday, 15th January 2022, 4:15 pm
കാലിഫോര്‍ണിയ: അമേരിക്കന്‍ നഗരമായ ലോസ് ഏഞ്ചലസില്‍ കാര്‍ഗോ കണ്ടെയ്‌നര്‍ ട്രെയിനുകള്‍ മാസങ്ങളായി കൊള്ളയടിക്കപ്പെടുന്നതായി പരാതി.
അമേരിക്കയിലെ വിവിധ സ്ഥലങ്ങളിലേക്കുള്ള പാക്കേജുകള്‍ കൊള്ളയടിക്കുന്നതായാണ് റിപ്പോര്‍ട്ട്. കൊള്ളയടിക്കപ്പെട്ട് കാലിയായ പാക്കേജുകള്‍ റെയില്‍വേ ട്രാക്കുകളിലേക്ക് വ്യാപകമായി വലിച്ചെറിയപ്പെടുന്നുമുണ്ട്.
ആമസോണ്‍, ആര്‍.ഇ.ഐ എന്നിവയില്‍ നിന്നുള്ള പാക്കേജുകളാണ് കൊള്ളയടിക്കപ്പെടുന്നത്.
പല സാധനങ്ങളുടെയും അവശിഷ്ടങ്ങള്‍ മോഷ്ടാക്കള്‍ ട്രെയിനില്‍ നിന്ന് വലിച്ചെറിഞ്ഞതിന്റെ ദൃശ്യങ്ങളും പുറത്ത് വന്നിട്ടുണ്ട്.
