കങ്കണയുടെ ചിത്രങ്ങള്‍ ഇഷ്ടമാണ്, പക്ഷേ വ്യക്തി ജീവിതത്തില്‍ എനിക്കൊന്നും ചെയ്യാന്‍ സാധിക്കില്ല: നവാസുദ്ദീന്‍ സിദ്ദിഖി
ഡൂള്‍ന്യൂസ് ഡെസ്‌ക്
Thursday, 2nd December 2021, 4:44 pm
കങ്കണ റണാവത്ത് നല്ല പ്രൊഡ്യൂസര്‍ ആണെന്നും അവരുടെ സിനിമകള്‍ തനിക്കിഷ്ടമാണെന്നും ബോളിവുഡ് താരം നവാസുദ്ദീന്‍ സിദ്ദിഖി. എന്നാല്‍ അവരുടെ വ്യക്തി ജീവിതത്തിലും ചിന്തയിലും തനിക്കൊന്നും ചെയ്യാന്‍ സാധിക്കില്ലെന്നും അദ്ദേഹം കൂട്ടിച്ചേര്‍ത്തു.
അടുത്തിടെ തന്റെ പ്രസ്താവനകളിലൂടെ കങ്കണ മാധ്യമശ്രദ്ധ നേടിയിരുന്നു. 1947 ല്‍ ലഭിച്ച സ്വാതന്ത്ര്യം വെറും ഭിക്ഷയാണെന്നും 2014 ലാണ് ഇന്ത്യക്ക് യഥാര്‍ത്ഥസ്വാതന്ത്ര്യം ലഭിച്ചതെന്നുമാണ് കങ്കണ പറഞ്ഞത്. ഇക്കാര്യം സൂചിപ്പിക്കുന്നതായിരുന്നു സിദ്ദിഖിയുടെ പ്രസ്താവന.
ഷാരൂഖ് ഖാന്‍, സല്‍മാന്‍ ഖാന്‍, ആമിര്‍ ഖാന്‍, രജനികാന്ത്, അമിതാഭ് ബച്ചന്‍ എന്നിവരോടൊപ്പം പ്രവര്‍ത്തിക്കാന്‍ ഞാന്‍ എപ്പോഴും ആഗ്രഹിച്ചിരുന്നുവെന്നും അത് യാഥാര്‍ത്ഥ്യമായെന്നും സിദ്ദിഖി പറഞ്ഞു.
