രാജസ്ഥാനും സഞ്ജുവിനും എട്ടിന്റെ പണി; 'സിംഹം അതിന്റെ മടയിലേക്ക് തിരിച്ചെത്തുന്നു'
സ്പോര്‍ട്സ് ഡെസ്‌ക്
Saturday, 19th August 2023, 8:36 pm
ഐ.പി.എല്‍ 2024 സീസണില്‍ മുംബൈ ഇന്ത്യന്‍സിലേക്ക് തിരിച്ചെത്താനൊരുങ്ങി മുന്‍ താരം ലസിത് മലിംഗ. ബൗളിങ് കോച്ചായാണ് അദ്ദേഹം തിരിച്ചെത്തുക എന്നാണ് റിപ്പോര്‍ട്ട്. നിലവിലെ ബൗളിങ് കോച്ചായ മുന്‍ ന്യൂസിലാന്‍ഡ് താരം ഷെയ്ന്‍ ബോണ്ടിനെ മലിംഗ റിപ്ലെയ്‌സ് ചെയ്യും.
ഒമ്പത് വര്‍ഷത്തോളമായി മുംബൈയുടെ ബൗളിങ് കോച്ചായി പ്രവര്‍ത്തിച്ച താരമാണ് ബോണ്ട്. ഇ.എസ്.പി.എന്‍ ക്രിക്കിന്‍ഫോയാണ് ഇക്കാര്യം റിപ്പോര്‍ട്ട് ചെയ്യുന്നത്.
ജസ്പ്രീത് ബുംറക്ക് പകരം ഈ സീസണില്‍ ടീമിലെത്തിയ ആകാശ് മധ്‌വാലിനെ പോലുള്ള താരങ്ങളെ വളര്‍ത്തിയെടുക്കാന്‍ മലിംഗക്ക് സാധിക്കും. മുംബൈക്കായി ഈ സീസണില്‍ മികച്ച പ്രകടനം നടത്തിയ രണ്ട് ബൗളര്‍മാരില്‍ ഒരാള്‍ മധ്‌വാലായിരുന്നു.
2022ല്‍ ഓസീസിനെതിരെയുള്ള പരമ്പരയില്‍ മലിംഗ ശ്രീലങ്കയുടെ ബൗളിങ് സ്റ്റാറ്റര്‍ജി കോച്ചായി പ്രവര്‍ത്തിച്ചിരുന്നു.
