‘അവന് എന്താണ് സംഭവിച്ചതെന്ന് കണ്ടെത്താൻ നാളെ ഞങ്ങൾ അവനെ നിരീക്ഷിക്കും. പരിക്ക് അദ്ദേഹത്തെ ഈ ആഴ്ച വളരെയധികം ബാധിച്ചിട്ടുണ്ട്. നൈസിനെതിരെ അവൻ കളിക്കുമോ ഇല്ലയോ എന്ന് ഞങ്ങൾ നാളെ ചർച്ച ചെയ്യും. അവൻ നാളെ ഉണ്ടാകുമെന്ന് തന്നെയാണ് ഞാൻ കരുതുന്നത്,’ പാരീസ് പരിശീലകൻ പറഞ്ഞു.

അന്താരാഷ്ട്ര മത്സരത്തിൽ ജർമനിക്കെതിരെ പരിക്ക് മൂലം എംബാപ്പെക്ക് കളിക്കാൻ സാധിച്ചിരുന്നില്ല. സൂപ്പർ താരം ഇല്ലാതെ ഇറങ്ങിയ ഫ്രാൻസ് ഒന്നിനെതിരെ രണ്ട് ഗോളുകൾക്ക് ജർമനിയോട് പരാജയപ്പെടുകയും ചെയ്തിരുന്നു.

ഈ സീസണിൽ ക്ലബ്ബിനായി മൂന്ന് മത്സരങ്ങളിൽ നിന്നും അഞ്ച് ഗോളുകളാണ് താരം നേടിയിട്ടുള്ളത്.