വെറുപ്പ് ഒരു തരി മതി, തീയായി ആളി കത്താന്‍; സസ്‌പെന്‍സ് നിറച്ച് കുരുതിയുടെ ട്രെയ്‌ലര്‍ പുറത്ത്
ഡൂള്‍ന്യൂസ് ഡെസ്‌ക്
Saturday, 3rd April 2021, 7:07 pm
കൊച്ചി: നവാഗതനായ മനു വാര്യര്‍ സംവിധാനം ചെയ്ത് പൃഥ്വിരാജ് മുഖ്യ വേഷത്തിലെത്തുന്ന ‘കുരുതി’യുടെ ട്രെയ്‌ലര്‍ പുറത്തുവിട്ടു. യുട്യൂബില്‍ റിലീസ് ചെയ്ത ട്രെയ്‌ലര്‍ കുറഞ്ഞസമയത്തിനുള്ളില്‍ ആയിരക്കണക്കിന് പേരാണ് കണ്ടത്. വെറുപ്പ് ഒരു തരി മതി, ഒരു തീയായി ആളിക്കത്താന്‍ എന്ന ടൈറ്റിലോടെയാണ് ട്രെയ്‌ലര്‍ പുറത്തുവിട്ടിരിക്കുന്നത്.
പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോന്‍ ഒരുക്കുന്ന ഈ ചിത്രത്തില്‍ പൃഥ്വിരാജിനെ കൂടാതെ വന്‍ താരനിരയാണ് അണിനിരക്കുന്നത്. റോഷന്‍ മാത്യൂ, ഷൈന്‍ ടോം ചാക്കോ, മുരളി ഗോപി, മാമുക്കോയ, ശ്രിന്ദ, മണികണ്ഠന്‍ ആചാരി, നവാസ് വള്ളിക്കുന്ന്, നെസ്ലന്‍, സാഗര്‍ സൂര്യ തുടങ്ങിയവരും ചിത്രത്തില്‍ പ്രധാന വേഷത്തിലെത്തുന്നു.
