സ്ത്രീകള്‍ വസ്ത്രം മാറുന്നത് പകര്‍ത്തി; കോട്ടയം ശീമാട്ടിയിലെ ജീവനക്കാരന്‍ അറസ്റ്റില്‍
ഡൂള്‍ന്യൂസ് ഡെസ്‌ക്
Tuesday, 8th December 2020, 7:36 am
കോട്ടയം: പ്രമുഖ വസ്ത്ര വ്യാപാര ശാലയായ ശീമാട്ടിയിലെ കോട്ടയത്തെ ഷോറൂമില്‍ സ്ത്രീകള്‍ വസ്ത്രം മാറുന്നത് പകര്‍ത്തിയ ജീവനക്കാരന്‍ പിടിയില്‍. കാരാപ്പുഴ സ്വദേശി നിധിനെയാണ് പൊലീസ് അറസ്റ്റ് ചെയ്തത്. കോട്ടയത്തെ പ്രമുഖ അഭിഭാഷക ആരതിയാണ് ജീവനക്കാരനെ പിടികൂടി പൊലീസില്‍ ഏല്‍പ്പിച്ചത്.
സ്ത്രീകള്‍ വസ്ത്രം മാറുന്ന ട്രയല്‍ റൂമില്‍ മൈാബൈല്‍ ക്യാമറ ഉപയോഗിച്ച് 17സ്ത്രീകളുടെ ദൃശ്യങ്ങളാണ് ജീവനക്കാരന്‍ പകര്‍ത്തിയത്. സ്ഥാപനത്തിന്റെ അധികൃതര്‍ സംഭവം അറിഞ്ഞ് മറച്ചുവെക്കാനാണ് ശ്രമിച്ചതെന്ന് അഭിഭാഷക പറയുന്നു.
