സഞ്ജുവിന് നറുക്കുവീഴുമോ? ഏഷ്യാ കപ്പില്‍ ഗ്രൂപ്പ് ഘട്ടത്തില്‍ രാഹുല്‍ കളിക്കില്ല
സ്പോര്‍ട്സ് ഡെസ്‌ക്
Tuesday, 29th August 2023, 5:51 pm
ഏഷ്യാ കപ്പ് ക്രിക്കറ്റിന് നാളെ തിരിതെളിയും. ഗ്രൂപ്പ് എയില്‍ ഇന്ത്യ നേപ്പാളിനെയും പാകിസ്ഥാനെയുമാണ് നേരിടേണ്ടത്. കിരീടം തിരിച്ചുപിടിക്കുക എന്നതിനപ്പുറം മറ്റൊന്നും ഈ ടൂര്‍ണമെന്റില്‍ ടീം ഇന്ത്യ ലക്ഷ്യംവെക്കുന്നില്ല.
ഇതിനിടയില്‍ ഇന്ത്യന്‍ ടീമിനെ സംബന്ധിച്ചെടുത്തോളമുള്ള നിരാശാജനകമായ വാര്‍ത്തയാണിപ്പോള്‍ പുറത്തുവരുന്നത്. ഏഷ്യാ കപ്പിലെ ആദ്യ രണ്ട് മത്സരത്തില്‍ നിന്ന് സൂപ്പര്‍ ബാറ്റര്‍ കെ.എല്‍. രാഹുല്‍ പുറത്താകുമെന്ന് പരിശീലകന്‍ രാഹുല്‍ ദ്രാവിഡ് അറിയിച്ചു.
‘കെ.എല്‍. രാഹുലിന്റെ പരിക്ക് ഭേദമായി വരുന്നുണ്ട്. എന്നാല്‍ ഗ്രൂപ്പ് ഘട്ടത്തില്‍ പാകിസ്ഥാനും നേപ്പാളിനുമെതിരേയുള്ള ആദ്യ രണ്ട് മത്സരങ്ങളില്‍ രാഹുല്‍ കളിക്കില്ല,’ ദ്രാവിഡ് പറഞ്ഞു.
