കര്‍ണാടകയില്‍ മതപരിവര്‍ത്തന നിരോധന നിയമം റദ്ദാക്കി; ആര്.എസ്.എസ് സ്ഥാപകനെ കുറിച്ചുള്ള പാഠങ്ങളും ഒഴിവാക്കി
ഡൂള്‍ന്യൂസ് ഡെസ്‌ക്
Thursday, 15th June 2023, 4:30 pm
ബെംഗളൂരു: കര്‍ണാടകയില്‍ മുന്‍ ബി.ജെ.പി സര്‍ക്കാര്‍ നടപ്പാക്കിയ മതപരിവര്‍ത്തന നിരോധന നിയമം റദ്ദാക്കി പുതിയ കോണ്‍ഗ്രസ് സര്‍ക്കാര്‍. വിവാദമായ ‘കര്‍ണാടക മതസ്വാതന്ത്ര്യ സംരക്ഷണ നിയമം 2022’ ആണ് റദ്ദാക്കിയത്. നിര്‍ബന്ധപൂര്‍വം മതം മാറ്റുന്നത് തടയാനെന്ന പേരിലാണ് 2022ല്‍ ഈ നിയമം പാസാക്കിയത്.
വിവാഹത്തിന് പിന്നാലെ നിര്‍ബന്ധിച്ച് മതം മാറ്റിയെന്ന് പരാതി ലഭിച്ചാല്‍ വിവാഹം തന്നെ റദ്ദാക്കാന്‍ കോടതിക്ക് അധികാരം ഉണ്ടെന്നത് നിയമവിധേയമാക്കുന്നത് ആയിരുന്നു ബി.ജെ.പിയുടെ നിയമം. ഇത്തരത്തില്‍ മതം മാറ്റിയെന്ന് രക്തബന്ധത്തില്‍ ഉള്ള ആര് പരാതി നല്‍കിയാലും അത് പരിഗണിക്കണമെന്നും നിയമത്തില്‍ വ്യവസ്ഥ ഉണ്ടായിരുന്നു.
