കോഴിക്കോട്: ന്യൂനപക്ഷമെന്ന വാക്ക് ഭരണഘടനയിലില്ലെന്ന ഗവര്‍ണറുടെ പ്രസ്താവന വസ്തുതാപരമായി തെറ്റാണെന്നും ഗവര്‍ണര്‍ പൊതുജനങ്ങളെ തെറ്റിദ്ധരിപ്പിക്കുകയാണെന്നും സുപ്രീം കോടതി അഭിഭാഷകന്‍ കാളീശ്വരം രാജ്. ഭരണഘടനാ പദവിയില്‍ ഇരുന്നുകൊണ്ട് ഗവര്‍ണര്‍ ഇത്തരത്തില്‍ തെറ്റായ വിവരങ്ങള്‍ കൊടുക്കാന്‍ പാടില്ലാത്തതാണെന്നും അദ്ദേഹം മീഡിയവണിനോടു പറഞ്ഞു.
‘ന്യൂനപക്ഷമെന്ന വാക്ക് ഭരണഘടനയിലില്ലെന്ന ഗവര്‍ണറുടെ പ്രസ്താവന വസ്തുതാപരമായി തെറ്റാണ്. ഭരണഘടനയെക്കുറിച്ചുള്ള അദ്ദേഹത്തിന്റെ ധാരണ വളരെയധികം വികലമാണ്. ഇത്തരത്തിലൊരു സന്ദര്‍ഭത്തില്‍ അദ്ദേഹം പൊതുജനങ്ങളെ മൊത്തം തെറ്റിദ്ധരിപ്പിക്കുന്ന ഒരു നിലപാടാണു സ്വീകരിച്ചിട്ടുള്ളത്.
ഭരണഘടനാ പദവിയില്‍ ഇരുന്നുകൊണ്ട് ഗവര്‍ണര്‍ ഇത്തരത്തില്‍ തെറ്റായ വിവരങ്ങള്‍ കൊടുക്കാന്‍ പാടില്ലാത്തതാണ്,’ അദ്ദേഹം പറഞ്ഞു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
അധികാരത്തിലുണ്ടായിരുന്നെങ്കില്‍ ബലം പ്രയോഗിച്ച് പൗരത്വ ഭേദഗതി നിയമം നടപ്പാക്കുമായിരുന്നുവെന്ന് ഗവര്‍ണര്‍ ആരിഫ് മുഹമ്മദ് ഖാന്‍ ഏഷ്യാനെറ്റ് ന്യൂസിന് നല്‍കിയ അഭിമുഖത്തില്‍ പറഞ്ഞിരുന്നു.
