ജ്യോതിരാദിത്യ സിന്ധ്യയുടെ ഫേസ്ബുക്ക് ഹാക്ക് ചെയ്ത് മോദിക്കെതിരെയുള്ള പഴയ വീഡിയോ വീണ്ടും പോസ്റ്റ് ചെയ്ത് ഹാക്കര്‍മാര്‍
ഡൂള്‍ന്യൂസ് ഡെസ്‌ക്
Friday, 9th July 2021, 9:46 am
ന്യൂദല്‍ഹി: കേന്ദ്രമന്ത്രിയായി സത്യപ്രതിജ്ഞ ചെയ്തതിന് തൊട്ടുപിന്നാലെ കേന്ദ്ര വ്യോമയാന മന്ത്രി ജ്യോതിരാദിത്യ സിന്ധ്യയുടെ ഫേസ്ബുക്ക് അക്കൗണ്ട് ഹാക്ക് ചെയ്തു.
കോണ്‍ഗ്രസ് നേതാവ് ആയിരുന്ന സമയത്ത് മോദി സര്‍ക്കാറിനെയും നയങ്ങളെയും വിമര്‍ശിക്കുന്ന സിന്ധ്യയുടെ പഴയ വിഡിയോകള്‍ ഹാക്കര്‍മാര്‍ അക്കൗണ്ടില്‍ പോസ്റ്റ് ചെയ്തു.
അക്കൗണ്ട് ഹാക്ക് ചെയ്യപ്പെട്ടതിന് പിന്നാലെ സിന്ധ്യയുടെ സോഷ്യല്‍ മീഡിയ ടീം പ്രശ്‌നം പരിഹരിച്ച് വീഡിയോ നീക്കം ചെയ്തു.
സംഭവത്തില്‍ രമേശ് അഗര്‍വാള്‍ എം.എല്‍.എയുടെ പരാതിയില്‍ ഗ്വാളിയാര്‍ പൊലീസ് ഐ.ടി. നിയമപ്രകാരം കേസ് രജിസ്റ്റര്‍ ചെയ്തിട്ടുണ്ട്.
