ബാബ്‌റി മസ്ജിദ് തകര്‍ത്ത കേസില്‍ വിധി പറഞ്ഞ ജഡ്ജി യു.പിയില്‍ ഉപലോകായുക്ത
ഡൂള്‍ന്യൂസ് ഡെസ്‌ക്
Monday, 12th April 2021, 11:36 pm
ന്യൂദല്‍ഹി: ബാബ്‌റി മസ്ജിദ് പൊളിച്ച കേസില്‍ വിധി പറഞ്ഞ ജഡ്ജി സുരേന്ദര്‍ കുമാര്‍ യാദവിനെ ഉത്തര്‍പ്രദേശില്‍ ‘ഉപലോകായുക്ത’ ആയി നിയമിച്ചു.
പ്രത്യേക സി.ബി.ഐ കോടതി ജഡ്ജിയായിരുന്ന സുരേന്ദര്‍ കുമാര്‍ ബാബ്‌റി കേസില്‍ മുതിര്‍ന്ന ബി.ജെ.പി നേതാക്കളായ എല്‍.കെ അദ്വാനി, എം.എം ജോഷി, ഉമാ ഭാരതി, കല്യാണ്‍ സിംഗ് എന്നിവരടക്കം 32 പ്രതികളെയും കുറ്റവിമുക്തരാക്കിയിരുന്നു.
ഏപ്രില്‍ 6 ന് യാദവിനെ ഗവര്‍ണര്‍ മൂന്നാമത്തെ ഉപ ലോകായുക്ത’ ആയി നിയമിച്ചെന്നും തിങ്കളാഴ്ച യാദവ് സത്യപ്രതിജ്ഞ ചെയ്തുവെന്നും ഔദ്യോഗിക പ്രസ്താവനയില്‍ പറഞ്ഞു.
