മൂന്ന് വര്‍ഷത്തിനിടെ ഇസ്രഈലില്‍ ആദ്യ ബജറ്റ് പാസാക്കി ബെന്നറ്റ് സര്‍ക്കാര്‍; നഫ്താലി ബെന്നറ്റ് നയിക്കുന്നത് നുണയന്മാരുടെ സര്‍ക്കാരെന്ന് നെതന്യാഹു
ഡൂള്‍ന്യൂസ് ഡെസ്‌ക്
Thursday, 4th November 2021, 3:33 pm
ടെല്‍ അവീവ്: ഇസ്രഈലില്‍ മൂന്ന് വര്‍ഷത്തിനിടെ ആദ്യത്തെ ബജറ്റ് പാസാക്കി പ്രധാനമന്ത്രി നഫ്താലി ബെന്നറ്റിന്റെ നേതൃത്വത്തിലുളള സര്‍ക്കാര്‍. നവംബര്‍ 14 ആയിരുന്നു ബജറ്റ് അവതരണത്തിനായി സര്‍ക്കാരിന് അനുവദിച്ചിരുന്ന അവസാന തിയതി.
194 ബില്യണ്‍ ഡോളറിന്റെ പദ്ധതികളാണ് 2021 വര്‍ഷത്തേക്കായി അവതരിപ്പിച്ചത്.
നവംബര്‍ 14ന് മുന്‍പ് ബജറ്റ് അവതരിപ്പിച്ചിരുന്നില്ലെങ്കിന്‍ ബെന്നറ്റ് സര്‍ക്കാര്‍ സ്ഥാനമൊഴിയുകയും രാജ്യം മറ്റൊരു തെരഞ്ഞടുപ്പ് നേരിടേണ്ടിയും വന്നേനെ.
59ന് എതിരെ 61 വോട്ടുകള്‍ നേടിയാണ് പാര്‍ലമെന്റില്‍ ബെന്നറ്റിന്റെ സഖ്യസര്‍ക്കാര്‍ അവതരിപ്പിച്ച ബജറ്റ് പാസായത്.
