ഇന്ത്യയില്‍ ജനാധിപത്യ സ്ഥാപനങ്ങള്‍ക്ക് നേരെ ഉയര്‍ന്ന ആക്രമണം: രാഹുല്‍ ഗാന്ധി
ഡൂള്‍ന്യൂസ് ഡെസ്‌ക്
Saturday, 9th September 2023, 8:10 am
ലണ്ടന്‍: ഇന്ത്യയിലെ ജനാധിപത്യ സ്ഥാപനങ്ങള്‍ക്ക് നേരെ ഉയര്‍ന്ന ആക്രമണമാണ് നടക്കുന്നതെന്നാരോപിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ഇന്ത്യയുടെ ജനാധിപത്യ സംവിധാനങ്ങളെ ഞെരുക്കാനുള്ള ശ്രമത്തില്‍ യൂറോപ്യന്‍ യൂനിയനില്‍ ആശങ്കയുണ്ടെന്നും രാഹുല്‍ ഗാന്ധി പറഞ്ഞു.
യൂറോപ്യന്‍ പര്യടനത്തിനിടെ ബെല്‍ജിയത്തിലെ ബ്രസല്‍സില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു രാഹുല്‍. യൂറോപ്പില്‍ ത്രിദിന സന്ദര്‍ശനത്തിന് എത്തിയതാണ് അദ്ദേഹം.
‘രാജ്യത്തിന്റെ ഭരണഘടന മാറ്റാനുള്ള ശ്രമമാണ് നടക്കുന്നത്. ഇന്ത്യയെ ഭരിക്കുന്ന ആള്‍ക്കൂട്ടം നമ്മുടെ രാജ്യത്തിന്റെ ജനാധിപത്യ ഘടനയെ തന്നെ ആക്രമിക്കുകയാണ്. ഞങ്ങള്‍ ജനാധിപത്യ പോരാട്ടം തുടരും. ഞങ്ങള്‍ ജനാധിപത്യം പരിപാലിക്കും. ജനാധിപത്യ സ്ഥാപനങ്ങള്‍ക്ക് നേരെയുള്ള ആക്രമണങ്ങള്‍ അവസാനിപ്പിക്കും’, രാഹുല്‍ പറഞ്ഞു.
