ഓക്‌സിജനും മരുന്നുകളും പൂഴ്ത്തിവെച്ച് കൃത്രിമ ക്ഷാമം ഉണ്ടാക്കരുത്; ജനങ്ങളോട് ദല്‍ഹി ഹൈക്കോടതി
ഡൂള്‍ന്യൂസ് ഡെസ്‌ക്
Wednesday, 28th April 2021, 11:36 pm
ന്യൂദല്‍ഹി: കൊവിഡ് ചികിത്സയ്ക്ക് ആവശ്യമായ ഓക്‌സിജനും മരുന്നുകളും പൂഴ്ത്തിവെക്കരുതെന്ന് ജനങ്ങളോട് ആവശ്യപ്പെട്ട് ദല്‍ഹി ഹൈക്കോടതി.
അങ്ങനെ പൂഴ്ത്തിവെയ്ക്കാതിരുന്നാല്‍ കൃത്രിമമായി ഉണ്ടാക്കുന്ന ക്ഷാമം ഇല്ലാതാക്കാമെന്നും
ആവശ്യക്കാര്‍ക്ക് ഓക്‌സിജനും മരുന്നും ലഭ്യമാക്കാന്‍ സാധിക്കുമെന്നും കോടതി പറഞ്ഞു.
നിലവിലെ സാഹചര്യത്തില്‍ സായുധ സേനയുടെ സേവനം തേടുന്നത് സംബന്ധിച്ച നിര്‍ദ്ദേശം പരിശോധിക്കാന്‍ കോടതി ദല്‍ഹി സര്‍ക്കാരിനോട് ആവശ്യപ്പെട്ടു.
