കശ്മീര്‍ സ്വര്‍ഗമാണെന്നല്ലേ ബി.ജെ.പിക്കാര്‍ പറയുന്നത്, പിന്നെ ബംഗാള്‍ കശ്മീരായാല്‍ എന്താ ഇപ്പോള്‍ കുഴപ്പം! സുവേന്തുവിന്റെ വായയടപ്പിച്ച് ഒമര്‍ അബ്ദുള്ള
ഡൂള്‍ന്യൂസ് ഡെസ്‌ക്
Sunday, 7th March 2021, 3:37 pm
കൊല്‍ക്കത്ത: കശ്മീരിനെ പരിഹസിച്ച് രംഗത്തെത്തിയ ബി.ജെ.പി നേതാവ് സുവേന്തു അധികാരിക്ക് മറുപടിയുമായി ജമ്മുകശ്മീര്‍ മുന്‍ മുഖ്യമന്ത്രി ഒമര്‍ അബ്ദുള്ള. തൃണമൂല്‍ കോണ്‍ഗ്രസ് വിജയിക്കുകയാണെങ്കില്‍ ബംഗാളിന് കശ്മീരിന്റെ അവസ്ഥയായിരിക്കും എന്ന പരാമര്‍ശത്തിനാണ് ഒമര്‍ അബ്ദുള്ള മറുപടി നല്‍കിയത്.
2019 മുതല്‍ കശ്മീര്‍ സ്വര്‍ഗ തുല്യമാണെന്നാണ് ബി.ജെ.പിക്കാര്‍ തന്നെ പറഞ്ഞുനടക്കുന്നത്. പിന്നെ ബംഗാള്‍ കശ്മീരായാല്‍ എന്താണ് പ്രശ്‌നമെന്ന് അദ്ദേഹം ചോദിച്ചു. ബംഗാളികള്‍ കശ്മീരിനെ സ്‌നേഹിക്കുന്നുണ്ടെന്നും അതുകൊണ്ടു തന്നെ സുവേന്തു പറഞ്ഞ മണ്ടത്തരം ക്ഷമിക്കുകയാണെന്നും അദ്ദേഹം പറഞ്ഞു.
