ആറ് തൃണമൂല്‍ കൗണ്‍സിലര്‍മാരെ ബി.ജെ.പിയില്‍ ചേര്‍ത്തത് തോക്കിന്‍ മുനയില്‍ നിര്‍ത്തി; ആരോപണവുമായി മമതാ ബാനര്‍ജി
ഡൂള്‍ന്യൂസ് ഡെസ്‌ക്
Wednesday, 29th May 2019, 11:16 am
കൊല്‍ക്കത്ത: ആറ് തൃണമൂല്‍ കൗണ്‍സിലര്‍മാരെ ബി.ജെ.പിയില്‍ ചേര്‍ത്തത് തോക്കിന്‍മുനയില്‍ നിര്‍ത്തിയെന്ന് തൃണമൂല്‍ കോണ്‍ഗ്രസ്. 50 തൃണമൂല്‍ കോണ്‍ഗ്രസ് നേതാക്കള്‍ ബി.ജെ.പിയില്‍ ചേര്‍ന്നെന്ന റിപ്പോര്‍ട്ടുകളോട് പ്രതികരിക്കുകയായിരുന്നു പാര്‍ട്ടി.
ഈ റിപ്പോര്‍ട്ട് ശരിയല്ലെന്നാണ് തൃണമൂല്‍ കോണ്‍ഗ്രസിന്റെ അവകാശവാദം. പാര്‍ട്ടിയില്‍ നിന്നും സസ്‌പെന്റ് ചെയ്ത ഒരു എം.എല്‍.എ മാത്രമാണ് ബി.ജെ.പിയില്‍ ചേര്‍ന്നത്. മറ്റുള്ളവരെല്ലാം കോണ്‍ഗ്രസില്‍ നിന്നും സി.പി.ഐ.എമ്മില്‍ നിന്നുമുള്ളവരാണ്. ആറ് തൃണമൂല്‍ കൗണ്‍സിലര്‍മാരെ ബി.ജെ.പിയില്‍ ചേര്‍ത്തത് തോക്കിന്‍ മുനയില്‍ നിര്‍ത്തിയാണെന്നും പാര്‍ട്ടി ആരോപിച്ചു.
