ഐലന്റ് എക്‌സ്പ്രസ്സില്‍ തീ പിടുത്തം; ബ്രേക്കിലെ തകരാര്‍ മൂലം ബോഗിയുടെ താഴെ നിന്ന് തീയും പുകയും ഉയര്‍ന്നു; ആളപായമില്ല
ഡൂള്‍ന്യൂസ് ഡെസ്‌ക്
Sunday, 3rd October 2021, 5:36 pm
തിരുവനന്തപുരം: ബെംഗളുരു-കന്യാകുമാരി ഐലന്റ് എക്‌സ്പ്രസിന്റെ ബോഗിയില്‍ തീ പിടുത്തം.
ബോഗിയുടെ അടിയില്‍ നിന്ന് പുകയുയര്‍ന്നത് നേമത്ത് വച്ച് യാത്രക്കാരുടെ ശ്രദ്ധയില്‍പ്പെടുകയായിരുന്നു. തുടര്‍ന്ന് യാത്രക്കാര്‍ റെയില്‍വേ ഉദ്യോഗസ്ഥരെ അറിയിക്കുകയായിരുന്നു.
ബ്രേക്കിലുണ്ടായ തകരാറാണ് തീയും പുകയും ഉയരാന്‍ കാരണമായതെന്നാണ് പ്രാഥമിക നിഗമനം.അപകടത്തില്‍ ആര്‍ക്കും പരിക്കേറ്റിട്ടില്ല.
