ഭൂകമ്പത്തില്‍ നിന്ന് രക്ഷപ്പെട്ടെത്തിയ കുടുംബം തീപൊള്ളലേറ്റ് മരിച്ചു; ഭൂകമ്പത്തില്‍ മരിച്ചവരുടെ എണ്ണം നാല്‍പ്പതിനായിരം കടന്നു
ഡൂള്‍ന്യൂസ് ഡെസ്‌ക്
Friday, 17th February 2023, 5:32 pm
ദമാസ്‌കസ്: സിറിയയിലെ ഭൂകമ്പത്തില്‍ നിന്ന് തുര്‍ക്കിയിലെ ബന്ധുവീട്ടിലേക്ക് രക്ഷപ്പെട്ട് എത്തിയ കുടുംബം തീ പൊള്ളലേറ്റ് മരിച്ചു. അഞ്ച് കുട്ടികളും ദമ്പതികളും അടങ്ങുന്ന കുടുംബമാണ് ദാരുണമായി മരിച്ചത്.
മരിച്ച കുട്ടികള്‍ എല്ലാവരും നാല് വയസിനും 13 വയസിനും ഇടയില്‍ പ്രായമുള്ളവരാണെന്ന് വാര്‍ത്താ ഏജന്‍സിയായ അനഡോളു റിപ്പോര്‍ട്ട് ചെയ്തു.
ഞങ്ങള്‍ തീ പടരുന്നത് കണ്ടിരുന്നു. എന്നാല്‍ അവരെ രക്ഷിക്കാനായില്ല. ഒരു പെണ്‍കുട്ടിയെ ജനല്‍വഴി രക്ഷിക്കാന്‍ സാധിച്ചു,’ സമീപവാസിയായ മുഹ്‌സിന്‍ കാകിര്‍ പറഞ്ഞു.
എന്നാല്‍ രക്ഷപ്പെട്ട പെണ്‍കുട്ടി അതേ കുടുംബത്തിലെ അംഗമാണോ എന്ന് വ്യകതമല്ല.
