കമല്‍ഹാസനൊപ്പം ഫഹദ്; ലോകേഷ് കനകരാജിന്റെ വിക്രമില്‍ ഫഹദ് ഫാസിലും
എന്റര്‍ടെയിന്‍മെന്റ് ഡെസ്‌ക്
Wednesday, 7th April 2021, 11:54 am
ചെന്നൈ: മാസ്റ്ററിന് ശേഷം ലോകേഷ് കനകരാജ് സംവിധാനം ചെയ്യുന്ന പുതിയ ചിത്രമായ വിക്രമില്‍ ഫഹദ് ഫാസിലും. ഫഹദ് തന്നെയാണ് താന്‍ കമല്‍ഹാസനൊപ്പം അഭിനയിക്കുന്ന കാര്യം സ്ഥിരീകരിച്ചത്.
ഫിലിം കംപാനിയന് വേണ്ടി അനുപമ ചോപ്രയുമായി നടത്തിയ അഭിമുഖത്തിലായിരുന്നു ലോകേഷ് കനകരാജിന്റെ കമല്‍ഹാസന്‍ ചിത്രം വിക്രമില്‍ താന്‍ അഭിനയിക്കുന്ന കാര്യം വെളിപ്പെടുത്തിയത്.
ഫഹദ് നായകനായി അഭിനയിക്കുന്ന ജോജി കഴിഞ്ഞ ദിവസമാണ് റിലീസ് ചെയ്തത്. ശ്യാം പുഷ്‌ക്കരന്റെ തിരക്കഥയില്‍ ദിലീഷ് പോത്തനാണ് ചിത്രം സംവിധാനം ചെയ്യുന്നത്.
