കോണ്‍ഗ്രസിന്റെ 'ശല്ല്യം' കാരണം ആരോഗ്യപ്രശ്‌നങ്ങളെന്ന് ബി.ജെ.പി നേതാവ് പ്രജ്ഞ്യ സിംഗ്; സ്ത്രീകളെ ബഹുമാനിക്കുന്ന പാര്‍ട്ടിയാണെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Sunday, 21st June 2020, 4:41 pm
ഭോപ്പാല്‍: കോണ്‍ഗ്രസ് ഭരണത്തിന് കീഴിലുണ്ടായ ‘ശല്ല്യം’ കാരണം തനിക്ക് കാഴ്ച നഷട്‌പ്പെട്ടതുള്‍പ്പെടെ നിരവധി ആരോഗ്യപ്രശ്‌നങ്ങള്‍ ഉണ്ടായെന്ന് ഭോപ്പാലില്‍ നിന്നുള്ള ബി.ജെ.പി എം.പിയായ പ്രജ്ഞ്യാ സിംഗ് ഠാക്കൂര്‍.
കഴിഞ്ഞ ഒന്‍പത് വര്‍ഷമായി കോണ്‍ഗ്രസില്‍ നിന്ന് നിരന്തരം പീഢനങ്ങള്‍ ഏറ്റുവാങ്ങുകയാണെന്നും. ഇത് കാരണം പല ബുദ്ധിമുട്ടകളും സഹിക്കേണ്ടി വന്നെന്നുമാണ് ഇവരുടെ വാദം.
എന്നാല്‍ ഇവരുടെ വാദം തികച്ചും അസംബന്ധമാണെന്ന് കോണ്‍ഗ്രസ് നേതാവ് പി.സി ശര്‍മ പറഞ്ഞു.
സ്ത്രീകളെ ബഹുമാനിക്കുന്ന പാര്‍ട്ടിയാണ് കോണ്‍ഗ്രസ് തെറ്റിദ്ധാരണ പരത്താനാണ് ഈ വാദം ഉയര്‍ത്തിയിരിക്കുന്നതെന്നും ശര്‍മ പറഞ്ഞു.
