ഇ.വി.എമ്മില്‍ വ്യാപക തകരാറ്; തെരഞ്ഞെടുപ്പ് കമ്മീഷന് മുന്‍പില്‍ എത്തിയത് 187 പരാതികള്‍
ഡൂള്‍ന്യൂസ് ഡെസ്‌ക്
Monday, 21st October 2019, 2:07 pm
ന്യൂദല്‍ഹി: മഹാരാഷ്ട്രയിലെ വിവിധ ബൂത്തുകളില്‍ ഇലക്ട്രോണിക് മെഷീനില്‍ വ്യാപക തകരാറ്. രത്‌നഗിരി, ബന്താര ജില്ലകളിലെ വിവിധ ബൂത്തുകളില്‍ എത്തിച്ച ഇ.വി.എമ്മുകളാണ് പ്രവര്‍ത്തന രഹിതമായത്.
വോട്ടിങ് ആരംഭിച്ച് അല്‍പ്പ സമയത്തിനകം തന്നെ മെഷീന്‍ കേടാവുകയായിരുന്നു. മുംബൈയിലെ വോര്‍ളി മേഖലയിലെ പോളിങ് ബൂത്തിലും ഇ.വി.എം കേടായതിനെ തുടര്‍ന്ന് വോട്ടെടുപ്പ് തടസ്സപ്പെട്ടു. ഇ.വി.എം തകരാറുകള്‍ ചൂട്ടിക്കാട്ടി 187 പരാതികളാണ് തെരഞ്ഞെടുപ്പ് കമ്മീഷന് മുന്‍പില്‍ സംസ്ഥാന കോണ്‍ഗ്രസ് നേതൃത്വം നല്‍കിയത്.
