ഇന്ത്യക്കാരെ ബി.ജെ.പിയുടെ ഭരണ സംവിധാനത്തിന്റെ ഇരകളാക്കരുത്; കേന്ദ്രത്തെ വിമര്‍ശിച്ച് രാഹുല്‍
ഡൂള്‍ന്യൂസ് ഡെസ്‌ക്
Monday, 26th April 2021, 1:28 pm
ന്യൂദല്‍ഹി: കൊവിഡിനെതിരെയുള്ള പോരാട്ടത്തില്‍ ഇന്ത്യക്കാരെ ബി.ജെ.പിയുടെ ഭരണ സംവിധാനത്തിന്റെ ഇരകളാക്കരുതെന്ന് കോണ്‍ഗ്രസ് നേതാവ് രാഹുല്‍ ഗാന്ധി.
കൊവിഡ് വാക്സിന് പൗരന്മാര്‍ക്ക് സൗജന്യമായി നല്‍കണമെന്നും ഇതില്‍ ഇനിയൊരു ചര്‍ച്ച ആവശ്യമില്ലെന്നും അദ്ദേഹം പറഞ്ഞു.
”ചര്‍ച്ചകള്‍ മതിയായി. കാര്യത്തിന്റെ അവസാനം, പൗരന്മാര്‍ക്ക് വാക്‌സിനുകള്‍ സൗജന്യമായി ലഭിക്കണം. ഇന്ത്യയെ ബി.ജെ.പിയുടെ സംവിധാനത്തിന്റെ ഇരയാക്കരുത്,”, അദ്ദേഹം പറഞ്ഞു.
കേന്ദ്രസര്‍ക്കാരിന്റെ വാക്സിന് നയത്തില്‍ ഇപ്പോഴും വ്യക്തത വന്നിട്ടില്ല.രാജ്യത്തെ 18-നും 45-നും ഇടയില്‍ പ്രായമുള്ളവര്‍ക്ക് വാക്സിന് നല്‍കുക സ്വകാര്യ കേന്ദ്രങ്ങളിലൂടെ മാത്രമായിരിക്കുമെന്ന് കേന്ദ്രസര്‍ക്കാര്‍ പറഞ്ഞിരുന്നു.
