ലോര്‍ഡ്‌സ്: ഇന്ത്യ-ഇംഗ്ലണ്ട് രണ്ടാം ടെസ്റ്റിലെ മൂന്നാം ദിവത്തെ കളിക്കിടെ രസകരമായ സംഭവങ്ങള്‍. മൂന്നാം ദിനം ലഞ്ചിന് ശേഷം ഇന്ത്യന്‍ ടീം മൈതാനത്ത് എത്തിയത് ‘പന്ത്രണ്ട് കളിക്കാരുമായാണ്’.
പ്ലെയിംഗ് ഇലവനെക്കൂടാതെ കാണികളിലൊരാളാണ് ഇന്ത്യന്‍ ജഴ്‌സിയണിഞ്ഞ് സുരക്ഷാ ഉദ്യോഗസ്ഥരുടെ കണ്ണ് വെട്ടിച്ച് ഗ്രൗണ്ടിലിറങ്ങിയത്. എന്നാല്‍ ഇക്കാര്യം ശ്രദ്ധയില്‍പ്പെട്ടതോടെ ഉടന്‍ സുരക്ഷാ ഉദ്യോഗസ്ഥരെത്തി ഇയാളെ പുറത്തേക്ക് കൊണ്ടുപോയി.
ജാര്‍വോ 69 എന്ന് പേരെഴുതിയ ജഴ്‌സി ധരിച്ചാണ് ഇയാള്‍ മൈതാനത്തേക്കെത്തിയത്. സുരക്ഷാ ഉദ്യോഗസ്ഥര്‍ ഇയാളെ പുറത്തെത്തിക്കാന്‍ ശ്രമിക്കുമ്പോള്‍ താന്‍ ടീമംഗമാണെന്ന തരത്തില്‍ ജഴ്‌സിയിലെ ഇന്ത്യന്‍ ടീമിന്റെ ലോഗോയും ഇയാള്‍ കാണിക്കുന്നുണ്ട്.
ഇത് കണ്ട് ഇന്ത്യന്‍ താരം മുഹമ്മദ് സിറാജ് പൊട്ടിച്ചിരിക്കുന്നതും സോഷ്യല്‍ മീഡിയയില്‍ പ്രചരിക്കുന്നുണ്ട്.
New bowler from the Nursery End: Jarvo 69 😂
— Cricket Mate. (@CricketMate_) August 14, 2021
