പത്തനംതിട്ട: കോന്നി വനമേഖലയില്‍ അച്ചന്‍കോവിലാറില്‍ ആനയുടെ മൃതദേഹം കണ്ടെത്തി. കോന്നിക്ക് സമീപം കുമ്മണ്ണൂര്‍ വനമേഖലയിലാണ് ആനയുടെ ജഡം കണ്ടെത്തിയത്.

നിലവില്‍ വനത്തില്‍ തീരത്തിനോട് അടുപ്പിച്ച് ആനയുടെ ജഡം കെട്ടി വെച്ചിരിക്കുകയാണ്. ആനയുടെ പോസ്റ്റുമോര്‍ട്ടം ഞായറാഴ്ച നടത്തും.

രാവിലെ മുതല്‍ തന്നെ അച്ചന്‍കോവിലാറിലൂടെ ആനയുടെ ജഡം ഒഴുകുന്നതായി സൂചനകള്‍ ഉണ്ടായിരുന്നു.

അതേസമയം ശക്തമായ ഒഴുക്കില്‍ രണ്ട് ആനക്കുട്ടികള്‍ കൂടി ഉള്‍പ്പെട്ടതായി സംശയമുണ്ട്. വനംവകുപ്പ് ഉദ്യോഗസ്ഥര്‍ നദിക്ക് സമീപം പരിശോധന നടത്തുന്നുണ്ട്.