'ബാലണ്‍ ഡി ഓര്‍ എംബാപ്പെക്കല്ലെങ്കില്‍ അത് അന്യായമായിരിക്കും'; പ്രതികരിച്ച് ഫ്രഞ്ച് പരിശീലകന്‍
സ്പോര്ട്സ് ഡെസ്‌ക്
Tuesday, 10th October 2023, 4:42 pm
ഇത്തവണ ബാലണ്‍ ഡി ഓര്‍ ആര് നേടുമെന്ന് അറിയാനുള്ള ആകാംക്ഷയിലാണ് ആരാധകര്‍. ലയണല്‍ മെസി, എര്‍ലിങ് ഹാലണ്ട്, കിലിയന്‍ എംബാപ്പെ എന്നീ താരങ്ങളിലൊരാള്‍ക്കാണ് ബാലണ്‍ ഡി ഓര്‍ ലഭിക്കുകയെന്ന കാര്യത്തില്‍ തര്‍ക്കമില്ല. എന്നാല്‍ പുരസ്‌കാര ജേതാവ് ആരെന്ന് അറിയാന്‍ ഈ മാസം 30 വരെ കാത്തിരിക്കുക തന്നെ വേണം.
ബാലണ്‍ ഡി ഓര്‍ ആര്‍ക്കെന്ന ആരാധകര്‍ക്കിടയിലെ ചര്‍ച്ചകള്‍ക്കുള്ള പ്രതികരണവുമായി എത്തിയിരിക്കകുയാണ് ഇപ്പോള്‍ ഫ്രാന്‍സ് ദേശീയ ടീം പരിശീലകന്‍ ദിദിയര്‍ ദെഷാംസ്. ഇത്തവണ പുരസ്‌കാരം സൂപ്പര്‍ താരം കിലിയന്‍ എംബാപ്പെക്ക് നല്‍കിയില്ലെങ്കില്‍ അത് അന്യായിരിക്കുമെന്നാണ് അദ്ദേഹം പറഞ്ഞത്. ദെഷാംസിന്റെ വാക്കുകള്‍ ഉദ്ധരിച്ച് സ്പോര്ട്സ് മാധ്യമമായ ഫൂട്ട് വണ്‍ ആണ് ഇക്കാര്യം റിപ്പോര്‍ട്ട് ചെയ്തത്.
