ധര്‍മ്മജന്റെ പരാതി അടിസ്ഥാനരഹിതം; നേട്ടം ഉണ്ടാക്കുമെന്ന പ്രതീക്ഷ അസ്ഥാനത്തായിരുന്നെന്നും യു.ഡി.എഫ് മണ്ഡലം വൈസ് പ്രസിഡന്റ്
ഡൂള്‍ന്യൂസ് ഡെസ്‌ക്
Sunday, 23rd May 2021, 9:21 am
കോഴിക്കോട്: നിയമസഭ തെരഞ്ഞെടുപ്പില്‍ കൃത്യമായി പ്രവര്‍ത്തിച്ചില്ലെന്നും ലക്ഷങ്ങള്‍ പണം പിരിച്ചെന്നുമുള്ള ബാലുശ്ശേരി മണ്ഡലം യു.ഡി.എഫ് സ്ഥാനാര്‍ത്ഥി ധര്‍മ്മജന്‍ ബോള്‍ഗാട്ടിയുടെ പരാതി അടിസ്ഥാന രഹിതമാണെന്ന് നടുവണ്ണൂര്‍ ബ്ലോക്ക് കോണ്‍ഗ്രസ് പ്രസിഡന്റും യു.ഡി.എഫ് നിയോജക മണ്ഡലം വൈസ് ചെയര്‍മാനുമായ എം. ഷികേശന്‍.
പരാതിയിലെ കാര്യങ്ങള്‍ വസുതാവിരുദ്ധവും അടിസ്ഥാനരഹിതവുമാണ്. സംസ്ഥാനത്ത് നിയമസഭാ തിരഞ്ഞെടുപ്പില്‍ പൊതുവായി ഉണ്ടായ രാഷ്ട്രീയ സാഹചര്യത്തിന് ഉപരിയായി മറ്റ് വിപരീത സാഹചര്യമൊന്നും ബാലുശ്ശേരിയില്‍ ഉണ്ടായിട്ടില്ലെന്നും ഷികേശന്‍ പറഞ്ഞു.
കലാകാരന്‍ എന്ന നിലയില്‍ ധര്‍മജന്‍ ബാലുശ്ശേരിയില്‍ നേട്ടം ഉണ്ടാക്കുമെന്ന പ്രതീക്ഷ അസ്ഥാനത്താണെന്നും അദ്ദേഹം പറഞ്ഞു.
കഴിഞ്ഞ ദിവസമാണ് ധര്‍മ്മജന്‍ ബോള്‍ഗാട്ടി കെ.പി.സി.സി അധ്യക്ഷന് പരാതി നല്‍കിയത്.
