ചണ്ഡീഗഢ്: കൊവിഡ് വ്യാപനത്തിന്റെ പശ്ചാത്തലത്തില്‍ ഓക്‌സിജന്‍ ക്ഷാമം സംസ്ഥാനങ്ങളില്‍ രൂക്ഷമാകുന്നതിനിടെ ദല്‍ഹി സര്‍ക്കാരിനെതിരെ ഓക്‌സിജന്‍ മോഷണമാരോപിച്ച് ഹരിയാന. ഹരിയാനയിലെ ഫരീദാബാദിലേക്ക് വന്ന ഓക്‌സിജന്‍ ടാങ്കറുകളില്‍ ഒന്ന് ദല്‍ഹി സര്‍ക്കാര്‍ തട്ടിയെടുത്തുവെന്ന് ആരോഗ്യമന്ത്രി അനില്‍ വിജ് ആരോപിച്ചു.
ഇതോടെ ഓക്‌സിജന്‍ ടാങ്കറുകള്‍ക്ക് സുരക്ഷ ഒരുക്കണമെന്നും അനില്‍ വിജ് ആവശ്യപ്പെട്ടു. സംസ്ഥാന സര്‍ക്കാരുകളുടെ ഭാഗത്തുനിന്ന് ഇത്തരം നടപടികളുണ്ടായാല്‍ ആരോഗ്യമേഖല തകരുമെന്നും വിജ് കൂട്ടിച്ചേര്‍ത്തു.
