പെറ്റിക്കേസുകളുടെ എണ്ണം കൂട്ടാന്‍ ഡി.സി.പി ഐശ്വര്യ ദോഗ്രെയുടെ നിര്‍ദ്ദേശം; ശബ്ദ സന്ദേശം പുറത്ത്
ഡൂള്‍ന്യൂസ് ഡെസ്‌ക്
Friday, 20th August 2021, 9:10 am
കൊച്ചി: നഗരത്തിലെ പെറ്റിക്കേസുകളുടെ എണ്ണം കൂട്ടാന്‍ എല്ലാ സ്റ്റേഷനുകള്‍ക്കും കൊച്ചി ഡി.സി.പി ഐശ്വര്യ ദോഗ്രെ നിര്‍ദ്ദേശം നല്‍കിയതായി ആരോപണം. ഏഷ്യാനെറ്റ് ന്യൂസാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
പൊലീസ് കണ്‍ട്രോള്‍ റൂമില്‍ നിന്ന് കൊച്ചിയിലെ സ്റ്റേഷനുകളിലേക്ക് വയര്‍ലസ് സന്ദേശമായിട്ടാണ് നിര്‍ദ്ദേശം എത്തിയത്. കൊവിഡ് കാലത്ത് ജനങ്ങളില്‍ നിന്ന് അമിതമായി പൊലീസ് പിഴ ഈടാക്കുന്നെന്ന ആരോപണം നിലനില്‍ക്കെയാണ് ഡി.സി.പിയുടെ നിര്‍ദ്ദേശം പുറത്തുവന്നത്.
നേരത്തെ പിഴ ഈടാക്കുന്നതിനും കേസുകള്‍ രജിസ്റ്റര്‍ ചെയ്യുന്നതിനും ഉന്നത ഉദ്യോഗസ്ഥര്‍ ടാര്‍ഗറ്റുകള്‍ നിശ്ചയിക്കുന്നതായി പൊലീസ് ഉദ്യോഗസ്ഥര്‍ തന്നെ തുറന്നുപറഞ്ഞിരുന്നു.
