മധ്യപ്രദേശില്‍ ദളിത് തൊഴിലാളിയുടെ മുഖത്ത് മനുഷ്യ വിസര്‍ജ്യം പുരട്ടിയതില്‍ കേസ്
ഡൂള്‍ന്യൂസ് ഡെസ്‌ക്
Sunday, 23rd July 2023, 11:53 am
മുംബൈ: മധ്യപ്രദേശിലെ ഛത്തര്‍പൂര്‍ ജില്ലയില്‍ ദളിത് യുവാവിന്റെ മുഖത്ത് മനുഷ്യ വിസര്‍ജനം പുരട്ടിയതായി പരാതി. സംഭവവുമായി ബന്ധപ്പെട്ട് ദശരത് അഹിര്‍വാര്‍ എന്ന യുവാവിന്റെ പരാതിയില്‍ രാംകൃപാല്‍ പട്ടേല്‍ എന്നയാള്‍ക്കെതിരെ കേസെടുത്തതായി പൊലീസ് ഉദ്യോഗസ്ഥനെ ഉദ്ധരിച്ച് പി.ടി.ഐ റിപ്പോര്‍ട്ട് ചെയ്തു. ശനിയാഴ്ചയാണ് അഹിര്‍വാര്‍ പരാതിയുമായി പൊലീസിനെ സമീപിച്ചത്.
ഇന്ത്യന്‍ ശിക്ഷാ നിയമത്തിലെ സെക്ഷന്‍ 294, 506 എന്നീ വകുപ്പുകള്‍ പ്രകാരമാണ് രാംകൃപാല്‍ പട്ടേലിനെതിരെ കേസ് രജിസ്റ്റര്‍ ചെയ്തിട്ടുള്ളത്. രാംകൃപാല്‍ തന്നെ
ജാതിയുടെ പേരില്‍ അധിക്ഷേപിച്ചതായും യുവാവ് പരാതിയില്‍ പറഞ്ഞു. അബദ്ധത്തില്‍ ദേഹത്ത് ഗ്രീസ് വീണതിന്റെ പേരിലാണ് രാംകൃപാല്‍ മനുഷ്യ വിസര്‍ജ്യം പുരട്ടിയതെന്ന് പരാതിയില്‍ പറയുന്നു.
