മോഹന്‍ലാലിന് പകരം 'ഡാഡി ഗിരിജ'; കെ.ജി.എഫ് സംവിധായകന്റെ പ്രഭാസ് ചിത്രത്തില്‍ പുതിയ താരങ്ങള്‍
എന്റര്‍ടെയിന്‍മെന്റ് ഡെസ്‌ക്
Tuesday, 24th August 2021, 6:15 pm
ഹൈദരാബാദ്: കെ.ജി.എഫ് സംവിധായകന്‍ പ്രശാന്ത് നീല്‍ സംവിധാനം ചെയ്യുന്ന പുതിയ ചിത്രം സലാറില്‍ മോഹന്‍ലാലിന് പകരം ജഗപതി ബാബുവെത്തും. പ്രഭാസ് നായകനാവുന്ന ചിത്രത്തില്‍ ശ്രുതി ഹാസനാണ് നായികയാവുന്നത്.
പ്രഭാസ് അവതരിപ്പിക്കുന്ന കഥാപാത്രത്തിന്റെ ഗോഡ്ഫാദര്‍ റോളിലേക്കായിരുന്നു മോഹന്‍ലാലിനെ പരിഗണിച്ചിരുന്നത്. എന്നാല്‍ രാജമന്നാര്‍ എന്ന ഈ റോളിലേക്ക് പിന്നീട് ജഗപതി ബാബുവിനെ പരിഗണിക്കുകയായിരുന്നു.
റെക്കോര്‍ഡ് പ്രതിഫലമായിരുന്നു മോഹന്‍ലാലിന് നിര്‍മ്മാതാക്കള്‍ വാഗ്ദാനം ചെയ്തിരുന്നത്.
കെ.ജി.എഫ് ചാപ്റ്റര്‍ 1-ന്റെ തകര്‍പ്പന്‍ വിജയത്തിന് ശേഷം ഹിറ്റ്‌മേക്കര്‍ നിര്‍മാതാക്കളായ ഹോംബാലെ ഫിലിംസിന്റെ മൂന്നാമത്തെ ബഹുഭാഷ ചിത്രമാണ് സലാര്‍.
